Ar Steuñv Kêraozañ Lec’hel zo un teul enebadus a dalvez da dermeniñ penaos aozañ douaroù ar gumun en un doare hollek. Termeniñ a ra ar reolennoù a ro da c’houzout e pe stumm e ranker sevel ar savadurioù, peseurt takadoù a rank chom naturel, peseurt takadoù a virer evit ar savadurioù da zont, ha kement zo.

Meur a deul a ya d’e ober. En o zouez :
– un danevell ginnig
– ur reoliadur gant ul lodenn c’hrafek (a vez anvet « takadiñ » alies, gant 4 seurt « takadoù » bras) hag ul lodenn skrivet ma vez deskrivet ar reolennoù evit pep hini eus an takadoù
– heñchadurioù terkañ ha programmiñ.

An « takadiñ » zo 4 seurt bras a dakadoù ennañ :
– U evit an takadoù kêraozet
– AU evit an takadoù da gêraozañ
– N evit an takadoù naturel
– A evit an takadoù labour-douar.

D’ar 1añ a viz Kerzu 2015 e oa bet kemmet an SLK e Pouldregad evit ar wech diwezhañ.

Kavout a reoc’h amañ dindan an elfennoù a ya d’ober SLK Pouldregad :
– an danevell ginnig
– ar reoliadur skrivet
– ar reoliadur grafek lodenn 1 / lodenn 2
– ar stagadennoù : skrivet / grafek
– an heñchadurioù terkañ.